Blue AI السعودية
EN تسجيل الدخول اشترك الحين

دليل استخدام Blue AI

إزاي تشترك، وإزاي تستخدم المساعد في شغلك، مع أمثلة جاهزة لكل مهنة. انسخ أي مثال والصقه في المساعد على طول.

باقة سنوية 299 ر.س في السنة300 رسالة في الشهر3 مهن

ابدأ في 4 خطوات

نفس الخطوات لكل المهن.

  1. اعمل حسابك

    دوس اشترك الحين فوق، واكتب اسمك وإيميلك وكلمة سر، واختار مهنتك.

  2. ادفع الاشتراك

    299 ر.س في السنة، من غير تجديد تلقائي. حوّل على InstaPay وابعت صورة التحويل على واتساب، وبنفعّل خلال ساعات في أوقات الشغل.

  3. افتح المساعد

    من القائمة اختار المساعد الذكي. اكتب طلبك بكلامك العادي، أو اختار قالب من القوالب الجاهزة.

  4. راجع واستخدم

    البيانات الناقصة بتظهر بين قوسين زي [اسم المريض]، كمّلها بنفسك. وراجع الرد دايمًا قبل ما تستخدمه.

اللي هتلاقيه في حسابك

الأسماء دي هي اللي ظاهرة في القائمة اللي على الجنب.

الرئيسية

رصيد رسايلك الشهر ده، وآخر محادثاتك، واختصارات للقوالب.

المساعد الذكي

اكتب واطلب تعديل: «اختصرها»، «خليها أرسمي»، «اكتبها بالمصري». المحادثات بتتحفظ وتقدر تدوّر فيها.

سريع ودقيق

فوق خانة الكتابة: سريع للمهام اليومية، ودقيق للمستندات الطويلة والتحليل، وChatGPT (جديد).

Word و PDF

تحت أي رد فيه زرار تنزّله Word تعدّل فيه، أو PDF جاهز للطباعة. وفيه زرار نسخ.

قراءة الصور (OCR)

صوّر ورقة أو ارفع صورة أو PDF (لحد 3 ميجا و3 صفحات)، والنص يطلع مكتوب. تقدر تبعته للمساعد بضغطة.

بياناتي وباقتي

من باقتي واشتراكي تشوف اشتراكك وتجدده. ومن الأمان وكلمة السر تغيّر كلمة السر.

لكل مهنة

اختار مهنتك تشوف القوالب الجاهزة وأمثلة تكتبها للمساعد.

الأطباء المدرسين المحامين المهندسين المحاسبين السماسرة المحلات المبرمجين الموظفين الطبخ الطلاب صناع المحتوى الصيادلة الموارد البشرية المدربين الحضانات

Blue AI لـالأطباء

نشرات للمرضى ومحتوى للعيادة وتلخيص أبحاث.

القوالب الجاهزة

نشرة للمرضىبوست للعيادةتلخيص بحثخطاب تحويلملخص زيارةشرح تحليل للمريضرسالة واتساب للمريض

القالب بيجهزلك الطلب، وإنت بتكمّل البيانات بس.

أمثلة اكتبها للمساعد

  • نشرة بسيطة للمرضى عن ارتفاع ضغط الدم، فيها نصايح الأكل والمتابعة
  • بوست لصفحة العيادة عن أهمية فحص السكر الدوري
  • لخّص البحث ده في 5 نقط واذكر حجم العينة والنتيجة الأساسية
  • خطاب تحويل لاستشاري قلب لمريض عنده ضيق نفس مع المجهود

مراجعة تقارير الأشعة (للأطباء بس)

من القائمة اختار مراجعة تقارير الأشعة:

  1. اختار نوع الفحص: أشعة صدر، أشعة عظام، سونار بطن وحوض، مقطعية، رنين مغناطيسي، ماموجرام، دوبلر.
  2. الصق التقرير المكتوب، أو صوّره من قراءة الصور (OCR).
  3. اختار المطلوب: لخّص تقرير، اشرح المصطلحات، نظّم ملاحظاتي، بسّطه للمريض.

بيشتغل على التقرير المكتوب بس، مش على صورة الأشعة نفسها، ومش بيدّي تشخيص مستقل.

كتابة الروشتات (للأطباء بس)

من القائمة اختار كتابة الروشتات:

  1. اكتب بيانات عيادتك مرة واحدة (بتتحفظ على جهازك).
  2. اكتب الأدوية بطريقتك، كل دواء في سطر، زي: augmentin 1g 1x2 7d.
  3. دوس نظّم الروشتة، وراجعها، وعدّل أي سطر بالضغط عليه، وبعدين اطبع.
  4. الروشتة اللي بتكررها كتير (زي البرد) احفظها بـ احفظ الأدوية دي كروشتة جاهزة، وافتحها بعد كده بضغطة.

المساعد مش بيضيف أدوية ولا بيغيّر جرعات، وبينبّهك لو فيه حاجة مش واضحة. واسم المريض مش بيتبعت للمساعد.

الشهادات والتقارير الطبية (للأطباء بس)

من القائمة اختار الشهادات والتقارير، واختار النوع: إجازة مرضية، شهادة لياقة صحية، تقرير طبي، أو شهادة حضور. اكتب البيانات باختصار، ودوس «اكتب الشهادة»، وراجعها واطبعها على هيدر عيادتك.

المساعد مش بيشخّص ولا بيوصف علاج لمريض معين. ماتكتبش اسم المريض أو أي بيانات تعرّف بيه.

نصايح عشان تطلع أحسن نتيجة

  • ادّي تفاصيل. «امتحان علوم أولى إعدادي على درس الخلية، 10 أسئلة اختيار ونموذج إجابة» أحسن بكتير من «امتحان علوم».
  • كمّل في نفس المحادثة. لو الرد محتاج تعديل قول له «زوّد سؤالين صعبين» أو «شيل الفقرة التانية»، من غير ما تبدأ من الأول.
  • ماتكتبش بيانات شخصية حقيقية. استخدم أماكن فاضية زي [اسم الموكل] وكمّلها بنفسك بعد ما تنزّل الملف.
  • راجع الأرقام. المساعد متعلّم مايألّفش أرقام مواد أو نسب، وبيسيب مكانها فاضي لو مش متأكد. برضه اتأكد منها من مصدرها.
  • كل رد بيتحسب رسالة. عندك 300 رسالة كل شهر من يوم التفعيل، وبتتجدد طول مدة الاشتراك.
اشترك الحين اسألنا على واتساب